السيدة أمامة هبة شلبي

الصورة دي من صلاة التراويح في جامع الأزهر
أول لما شوفتها أفتكرت سيدنا النبي صلى الله عليه وسلم مع أمامة
مين أمامة
دي أكتر واحدة حبها سيدنا النبي من أهل بيته.
السيدة زينب بنت رسول الله صلى الله عليه وسلم لما توفت سابت بنتها أمامة وهي طفلة صغيرة فكان سيدنا النبي متعلق بيها و بيحبها حب شديدا جدا جدا وبيحب يكرمها ويهتم بيها دايما لدرجة إن لما كان صلى الله عليه وسلم بيصلي كان بيفضل شايلها طول الصلاة ومش بيضعها على الأرض إلا لما يسجد ولما كان بينتهي من السجود ويقف كان بياخدها ويشيلها تاني
وفي يوم سيدنا النبي صلى الله عليه وسلم دخل على زوجاته وهو ماسك في إيده عقد وكان جايله هدية والعقد كان حلو أوي أوي لدرجة إنه عجب كل زوجات النبي لما سألهم عن رأيهم فيه.
فقلن يا رسول الله ما رأينا أحسن من هذه ولا أعجب! 
فسيدنا النبي أخده من ايديهم وبصلهم وقالوالله لأضعنها في رقبة أحب أهل البيت إلي
فالسيدة عائشة رضى الله عنها من شدة غيرتها على النبي وحبها له بتقول إنها حست كإن الدنيا كلها أظلمت فجأة من خۏفها إن سيدنا النبي صلى الله عليه وسلم يضعه في رقبة حد غيرها من زوجاته وده ما كنش خوف السيدة عائشة لوحدها لا ده كان نفس خوف وإحساس باقي زوجات رسول الله برضو .
على دخول السيدة أمامة واللي كانت بتلعب في التراب جنب البيت مع صحباتها فأول لما شافها صلى الله عليه وسلم خد العقد وحطه في رقبتها
فكانت رضى الله عنها من أحب أهل البيت لسيدنا النبي صلى الله عليه وسلم
والله أعلم.
سيرة_سيدنا_النبي
السيدة_أمامة
علمنا الله وإياكم
الشير مفتوح وهو الأفضل ياحبايب
هبة_شلبي