من سنتين
اضحكووووووا
من سنتين طقت ف دماغي اني اشتغل معالج لحالات المس والسحر ... ليا واحد صاحبي شيخ اسمه الشيخ عادل طلعت معاه كام جلسه
اي نعم كنت بشوف حاجات تشيب الشعر بس حبيت الموضوع خصوصا اني حسيت انها مغامرات وانا بطبعي بحب اغامر
المهم الكام جلسه دول اتعلمت منهم شوية حاجات وجمدوا قلبي حبتين وافتكرت اني كدا بئيت معالج وبالفعل اعلنت قدام بعض الناس اني بئيت بعالج
مافيش اسبوع و واحد صاحبي اتصل بيا ف نص الليل وقالي الحقني يامصطفي...
قولتله خير ياسيد ف ايه !
قالي اخويا متحول علينا وعمال يكسر ف البيت ويطلع اصوات غريبه وبيشتمنا وبيهددنا انه ھيموتنا ومش قادرين عليه .. مش انت قولت انك بتعالج ! تعالي الله لايسيئك الحقه والحقنى قبل ماتحصل حاجه
قولتله انا هلبس وجاي اهو مسافة السكه
طبعا انا كنت فرحان اني طالع لحاله لوحدي وف نفس الوقت خاېف لانها اول مره بس اتغلبت ع خۏفي وروحتلهم
اول مادخلت البيت لاقيت التلفزيون متكسر وحاجات كتير ف البيت متدغدغه وناس كتير قاعده ف صالة البيت وكلهم منتظرين البطل ال جاي ينقذهم الي هو انا
والاوضه الي في وش الصاله بابها مقفول و رضا اخو السيد دا عمال يخبط ويرزع ع الباب ويقول كلام مش مفهوم وشويه يشتم وېهدد فعلا
طبعا انا دخلت بكل ثقه وقولتلهم ماتقلقوش خير بإذن الله ... انا بس عايز حد يفهمني ف ايه وهو كان بيشتكي من حاجه قبل كدا او عمل حاجه غلط او رمي مياه سخنه ف الحمام او علي صوته ف الحمام او اي حاجه شبه كدا
قالولي لا ابدا هو فجأة لقيناه بالشكل دا
قولتلهم طيب ماتقلقوش اقل من نص ساعة وكل دا هينتهي ان شاء الله
انا بس عايز اتنين او تلاته صحتهم حلوة يدخلوا معايا عشان يمسكوه
كلهم بصوا لبعض وماحدش فيهم نطق ... الباشوات خافوا
بصراحه عندهم حق ! رضا دا لو شوفتوه هيجيلكم صرع
عامل زي درفة الباب وطالعله بني ادمين ف دراعاته
كررتلهم نفس الكلام تاني ف برضو بصوا لبعض وسكتوا
راح قايم السيد اخوه قالي تعالي انا
