من سنتين

هاجي معاك 
قولت ف عقلي انا هعمل زي الشيخ عادل ال كنت بطلع معاه الجلسات هرسم دايره وهفضل اقرأ ف آيات معينه هتخلي الحاله ماتقدرش تقرب مني وكدا كدا انا معالج اصلا والجن ال ع الحاله اول ماهيشوفني هيخاف مني وهيبعد مش هيقدر يقربلي
المهم روحت باصص للناس بصة استهزاء بهم وانه ايه يعني ولا يفرق معايا واني مستعد ادخل لوحدي خصوصا ان فيه ناس كتير ودا ف حد ذاته هيبئا احلي دعاية ليا بعد كدا
وروحت فاتح الباب وداخل وانا خطواتي كلها ثقه .. اول مادخلت ببص لاقيت رضا رافع لوح خشب ببص ورايا لاقيت سيد اخوه شاف المنظر راح جاري بره وقافل باب الاوضه عليا انا ورضا
انا شوفت المنظر كان هيجيلي سكته قلبيه بس مسكت نفسي وشخط فيه وقولتله ارجع لأحرقك
لاقيته برق ليا وعينه مليانه ڠضب روحت راسم الدايره بسرعة ولسه هقرأ لاقيته داخل عليا بلوح الخشب
ف لحظه نسيت كل القرءان ال انا حافظه وفضلت اقوله ارجع لاحرقك ارجع لاحرقك .. رد قالي مين ونزل ضړب فيا لحد ماكسر لوح الخشب عليا
فضلت اصړخ وازعق بأعلي صوتي واستغيث بال بره وارجع اقوله ارجع لاحرقك وان حد من ال بره يلحقني .. لكن لا حياة لمن تنادي وفضل يضرب فيا بايده ورجله وإني اقاومه ولا اشتمه حتي ! مفيش
لحد مافقدت الوعي وفتحت عيني ف المستشفي لاقيت ايدي الاتنين و رجلي الشمال متجبسين وكدمات ف جسمي وعرفت هناك ان الناس دخلت لحقوني بس بعد ماتعدمت العافيه وان رضا دا اصلا  و واخد حبوب اسمها ابتريل بتخليها تغيب منه وتقلب ب شړ ... لاء وقال وانا ال كنت برسمله دايره 
والحمد لله من بعد ماخفيت وانا الشارع بتاعهم دا لو معدي من عليه بلف من الناحيه التانيه عشان ماحدش يشوفني 
حتي الشيخ عادل نفسه قطعت علاقتي بيه وحلفت مانا مكررها تاني .. قال مغامرات قال