مشكله اختى
اقولك ان كمال ده طيب جدا والله بجد ما تعرفيش انا حبيته ازاي
ناهد
يااه معقوله يامروة بسرعه كده حبتيه ماشي يا ستي ربنا يخليكوا لبعض ويسعدكم يا رب
مروة
ايوه يا عمتو الصراحة انا لقيتو بيعمل كل حاجة انا نفسي فيها من غير حتى ما اتكلم يعني محبهوش ليه بقا
تحيه
ربنا يسعدكم يا مروة على العموم احنا مش هتبقا عوازل اكتر من كده تعالي ياعمتي يلا احنا ننمشي وخلي العرسان يتهنو ببعض
مروة
الله انتو كمان ناوين تمشو بسرعة كده ليه بس ما لسه بدري يا تحية قولي لها حاجة يا عمتو
تحية
بدري من عمرك يا حبيبتي انا بقول كفايه كده اوي عشان الراجل ما يزهقش مننا بقا المهم انا عايزاكي تخلي بالك من نفسك ومن جوزك يا مروة
مروة
حاضر يا تحية اطمني يا حبيبتي انا هعرف اخلي بالي من جوزي كويس اوي
ناهد
ربنا معاكي يا مروة واوعي تنسي تكلمينا اول لما توصل بالسلامة عشان نبقا مطمنين عليكم
وجه كمال وقال لنا
ايه ياجماعه انتو راحين فين كده ما لسه بدري والله انتو قاعدين معانا ايه رايكم احجز لكم في غرفة هنا وتفضلو معانا لحد لما نمشي الصبح
مروة
دي فكرة هايله يا كمال والله اه والنبي يا تحيه انتي وعمتو خليكم معانا اهو تبقو بتغيرو جو
ناهد
لا لا انسي الموضوع ده خالص يا مروة انا عن نفسي مش بحب ابات غير على سريري يلا بينا بقا ياتحية
وبعدها سلمنا على مروة ومشيت انا وعمتي رجعنا البيت وفي البيت عمتي قالت
ربنا يامروة البت دي عشان بنت حلال ربنا وعدها بواحد ابن حلال زيها ربنا يسعدهم يارب
تحيه
يارب يا عمتي بس مش عارفه ليه كده انا مش مطمنة وقلبي مبقوووض أوي كده
ناهد
استغفر الله العظيم جرا ايه يا بت يا ناهد هو انتي مش بتعرفي تفرحي ابدا ولا ايه يا بنتي افرحي ان اختك ربنا كرمها واتجوزت مش احسن ماكانت تفضل جنبنا كده
تحيه
الحمد لله والله انا فرحانة لها من قلبي ربنا يسعدها يارب
وبعدها سافرت مروة على الإسكندرية ودخلت الشقة وقالت لجوزها
الله يا كمال الشقة حلوه انت زوقك حلو في كل حاجة كده معقوله دي
كمال
وليه بقا مش معقوله يا ست مروة ايه فاكراني يعني اني عشان اكبر منك في السن مش هقدر اخليكي تبقى وكمان مش هيكون عندي زوق في حاجة
مروة
لا لا مقصدش طبعا يا حبيبي ومتفهمش كلامي غلط ارجوك انا بس يعني.......
كمال
ولا بس ولا مبس يا مروة اي حاجة انتي عايزة شاوري بس وانا انفذ علطول هو انا ليا بركة الا انتي يا حبيبتي
مروة
ياحبيبي ربنا يخليكي ليا يارب
وعدت الايام ومروة مبسوطة مع كمال وفي يوم ابن البواب شاب وطلع يودي لهم حاجات الشقة وقال لها
فتحي
صباح الفل ياست الكل ايه القمر ده
مروة بضيق
نعم انت مين وعايز ايه
فتحي
انا فتحي ابن عبد العزيز البواب بتاع العمارة اصل انا كنت لسه راجع من الجيش النهاردة والصراحة يعني لما برجع بساعد ابويا وقولت اطلع لكم الحاجات اللي كمال بيه كان طلبها
مروة
أها طيب تمام شكرا
فتحي
طيب ميلزمش اي خدمة تانية يا ست الكل انتي تؤمري والله
وخرج كمال من جوه وقال
مين يا مروة انتي بتتكلمي مع مين
فتحي
ده انا فتحي يا كمال بيه كنت جايب لكم الحاجات دي
كمال
ااه وانت بقا واقف عمال ترغي في ايه مش تحط الحاجة عند الباب وتغور من هنا
مروة
في ايه يا كمال هو معمل...... وقبل ما تكمل كلامها قال لها
كمال
اخرسي انتي وادخلي على جوه وانت يا زفت انت انا ليا تصرف تاني مع
