مشكله اختى
ابوك الحيوان ده عشان يبعتك هنا يلا غور من هنا
ورزع الباب في وش فتحي ومسك مروة من شعرها وقال لها
انا عايز افهم انتي ازاى تقفي تتكلمي مع الواد ده وانتي بشعرك كده انطقي وضربها بالقلم على وشها
مروة
ااه حرام عليك يا كمال انت بتضربني ليه وبعدين انا معملتش حاجة كل الحكاية ان هو كان جايب لي الطلبات اللي طلبناها بلاش يعني اخدها
كمال
جاب الحاجة لحد هنا يبقا تأخدها وتقفلي الباب في وش امه وتدخلي مش تقفي تتساهري معاه ايه عجبك ولا ايه يابت
مروة
ايه الكلام العبيط ده ده ابن البواب ازاى يعني هبص له انا انت بتقول ايه بس
كمال
اسمعي يا روح إياكي وحسك عينك الواد ده يخبط تاني وتفتحي له الباب انتي سامعه يلا غوري من وشي انتي كمان
ودخلت مروة جوه في الاوضة وفضلت ټعيط واتصلت بيا وحكت لي على اللي حصل وانا قولت لها
تحيه
جرا ايه يا مروة الراجل بيغير عليكي يا حبيبتي فيها ايه بس لما يكون بيغير عليكي
مروة
بقولك ضړبني يا تحية عشان بس فتحت الباب لابن البواب انا مش عارفه بقا هو عمل كده ليه
تحية
ولو يا مروة البيوت ياما بيحصل فيها يا حبيبتي وبين الراجل ومراتة بيبقا في مشاكل كتيرة والمفروض انك متعرفيش بيها حد حتى انا
مروة
يعني دي غلطتي اني اتصلت بيكي اشتكي لك وافضفض معاكي تصدقي اني انا غلطانة
تحيه
ايه بس الكلام ده يامروة ياحبيبتي انا مش عايزاكي تخربي بيتك بايدك انتي في الأول وفي الأول ملكيش غير جوزك
مروة
ماشي يا تحية انا اسفه اني مع السلامة
وقفلت معايا ودخل كمال عليها وقال لها
كمال
انتي كنتي بتكلمي مين وريني كده بتكلمني مين
واخد منها التليفون وقال لها
كنتي بتكلمي اختك العانس وطبعا قومتك عليا طيب ايه رايك بقا انتي مش هتكلمي اي حد تاني بعد كده وادي التليفون اهووو اهووو
ودشش التليفون مېت حتة ومروة قالت له
مروه
حرام عليك حرام عليك انت بتعمل كده ليه دي حتى اختي كانت بتنصحني اني مزعلش منك
كمال
وحيات امك يابت بقا العانس دي هتوصيكي وتنصحك دي اكيد ميه الميه عايزة تخرب علينا عشان تقعدي جنبها وتبقى عانس زيها هي وعمتك اياكي تفكري بس تكلميهم اسمعي انا هسافر القاهرة الصبح بدري وهرجع على بالليل مش هبيت هناك وهقفل عليكي واحسبك هنا في الشقه
قال كلامة وسابها وخرج من الاوضة وفضلت مروة ټعيط
وبعدها بيومين كلم كمال البواب وقاله
كمال
اسمع يازفت يالي اسمك عبده انت انا عايز الحاجة اللي هاقولك عليها دلوقتي ولو بعت لي ابنك بيها انا هرمي من البلكونة عندي هنا انت سامع
البواب
ليه بس يا كمال بيه هو الواد ابني عملك ايه بس
كمال
عمل اللي عمله انا بقا مش عايز اشوف وشة هنا خالص انت سامع ومش هاقول كلامي تاني
وقفل معاه وعدت الايام ومروة قالت له
مروه
انا عايزة اعرف انت هتفضل حبسني كده هنا لحد امتى بقا انا عايزة انزل عايزة اشوف
كمال
وعايزة تشوفي الناس ليه ياختي ها عايزة الرجالة تعاكسك مش كده بس ده بعينك يامروة انتي مش هتخرجي من هنا
مروة
حرام عليك انت ايه الغيرة اللي عندك دي طيب انا عايزة اكلم اختي انا بقالي دلوقتي اسبوعين مكلمتهاش وهي زمانها قلقانة عليا وكمان متعرفش عنواني ايه
كمال
ااه انتي عايزة تكلميها عشان خاطر تشتكي لها مش كده
مروة
لا مش هشتكي ولا حاجة هي اصلا بتدافع عنك عشان كده مش هشتكي هكلمها قدامك دلوقتي
كمال
ماشي انا هطلبها لك من عندي هنا وتكلميها قدامي دلوقتي ولو نطقتي بكلمة متعرفيش انا هعمل فيكي ايه
واتصل كمال
